Цената на зејтинот во Бугарија ќе се зголеми меѓу 5 и 10 отсто
Не се очекува големо поскапување на зејтинот во бугарските маркети, а доколку сепак има зголемување на цената, тоа ќе биде од 5 до 10%, објасни претседателот на Државната комисија за стокови берзи и пазари, Владимир Иванов, објави „24Часа.бг“.
Поради слабата реколта во земјата се очекуваше да се зголеми цената на маслото за јадење. Европскиот пазар ќе го компензира можниот недостиг и да има зголемување нема да биде повеќе од 10%, посочуваат експертите. Значително зголемување на цената на маслото за јадење, како што предупредуваат производителите и преработувачите на сончоглед, нема да има. Европските и светските пазари се избалансирани, а цените остануваат повеќе непроменети за половина година. Претседателот на Државната комисија за стоковни берзи и пазари категорично демантираше дека ќе се повтори ситуацијата од пред две години, кога цената на маслото скокна за 100%, пишува БНТ.