Американскиот актер Шон Пен (63) проговори за гласините дека своевремено бил физички насилен кон поранешната сопруга, пејачката Мадона (65).

Во своето најново интервју за „Њујорк тајмс“, оскаровецот се присети на моментот кога група специјалци му влегле во домот откако Мадона забележала оружје во неговиот дом, па пријавила во полиција.

„Во домот ми влегоа специјалци! Им реков ’Не излегувам, ќе довршам со појадокот‘. Но, во следниот миг почнаа да кршат прозорци околу куќата и влегоа внатре“, раскажа тој.

Она што го одбележа бракот на оваа позната двојка, кој траеше од 1985 до 1989 година, беа бројните обвинувања на сметка на актерот, меѓу кои и дека во 1987 година ѝ ја удрил главата на пејачката со палка за бејзбол.

Ова го чул од неговата тогашна девојка, која била исплашена од таквите гласини. Сега тој ги негира овие тврдења.

„Ме гледаше како да сум ѝ го убил кучето и почна да ме прашува кога сум ја удрил Мадона со бејзбол палка. Немав поим за што зборува. Фер е да кажам дека не сум најдобрата личност на планетата. Но, дури и ако Мајк Тајсон го удрам со бејзбол палка по глава, тој ќе заврши во болница“.

И покрај бурниот развод, Пен и Мадона денес се добри пријатели.

„Мадона е личност што навистина ја сакам. Излезе дека е многу полесно да се обнови пријателството по развод кога немате деца“, откри тој при разговорот за „Њујорк тајмс“.

Се проценува дека имало 1,6 милиони луѓе: Мадона одржа бесплатен концерт во Рио и ја претвори плажата Копакабана во огромен подим за танцување