Британските експерти предупредуваат на нов руски напад во Вуледар
Руските сили силно го гранатираа украинскиот град Вуледар во јужниот дел на источниот регион Доњецк, соопшти денеска британското Министерство за одбрана во најновиот извештај на своето воено разузнавање.
„Постои реална можност Русија да подготвува нов офанзивен обид во оваа област и покрај огромните загуби што ги претрпе на почетокот на февруари и крајот на минатата година“, се вели во извештајот објавен утрово.
Latest Defence Intelligence update on the situation in Ukraine – 23 February 2023
Find out more about Defence Intelligence: https://t.co/wfwm9P2xXK
🇺🇦 #StandWithUkraine 🇺🇦 pic.twitter.com/kJnDtbypjV
— Ministry of Defence 🇬🇧 (@DefenceHQ) February 23, 2023
Рускиот генерал Рустам Муратов, командант на Источната група на руските вооружени сили во Русија, најверојатно ќе биде под голем притисок да ги подобри своите перформанси во Вуледар по жестоките критики од руската националистичка заедница, соопшти британското Министерство.
„Меѓутоа, малку е веројатно дека Муратов има доволно сили на располагање за да постигне успех“, според британските разузнавачи.