Нападите на Израел врз цели на Хезболах имаа застрашувачки ефекти врз локалните цивили, кои беа принудени да бегаат место по место во потрага по безбедност.

Прекуграничните напади на Израел и Хезболах оставија раселени десетици илјади луѓе од двете страни, пишува „BBC“.

Во Либан, во неодамнешните израелски воздушни напади загинаа 600 луѓе, а илјадници беа повредени и уште 90.000 новораселени.

Некои од оние што ги напуштале своите куќи ги раскажаа своите искуства за Би-Би-Си, оставајќи го својот имот зад себе, потпирајќи се на странци за да преживеат.

Меѓу нив е Валентин Несер, новинарка која побегна од јужен Либан со својата мајка и брат во понеделникот, кога интензивното бомбардирање го направи најсмртоносниот ден во Либан во последните децении.

„Отидовме на планината Либан, на околу 30 минути од Бејрут, која во моментов се смета за безбедна зона“, рече таа.

Патувањето им траело 15 часа поради големиот сообраќаен метеж додека илјадници се обидувале да се извлечат.

„Дојдовме овде без ништо, бидејќи бомбите беа насекаде и сакаме да бидеме безбедни што е можно поскоро“, додаде таа. Ние сме во хотел кој е претворен во центар за раселени и сега има повеќе од 300 луѓе, а бројот се зголемува. Имаме, на пример, 50 луѓе во иста просторија. Многу луѓе сè уште не најдоа место за престој, а некои беа принудени да спијат во своите автомобили.

Таа рече дека локалните власти обезбедуваат храна и вода, додавајќи дека иако претходно живеела низ периоди на конфликти, овој пат бил поинаков.

„Овој пат е повеќе напнатост, повеќе тага, повеќе гнев, раскажа Несер.