Бодо/Глимт го совлада Порто на стартот во Лигата на Европа
Во рамките од првото коло во новата сезона од фудбалската Лига Европа играчите на Бодо/Глимт пред своите навивачи со 3:2 славеше против еден од фаворитите за трофејот во ова натпреварување, Порто.
Португалците поведоа во осмата минута со погодокот на Омородион, а во 15 минута следуваше израмнувањето на домаќините преку Хог.
Во 40 минута норвешкиот претставник успеа да направи пресврт со голот на Хауге.
На стартот од вториот дел во 51 минута домашната екипа остана со фудбалер помалку поради вториот жолт картон на Маата.
Но, и покрај тоа Бодо/Глимт изненадувачки дојде до уште еден гол преку Хауге кој по втор пат се запиша во листата на стрелците во 62 минута за 3:1.
До крајот на дуелот гостите успеаја само да го ублажат својот пораз во 90 минута кога домашната мрежа ја затресе Гул.
Се одигра уште еден меч, холандскиот АЗ Алкмаар на домашен терен со 3:2 триумфираше против шведскиот Елфсборг.