Постојаните претставници на ЕУ на денешната средба во Брисел едногласно донеле одлука за почеток на преговорите за членство во ЕУ со Албанија идниот месец, јави Бугарското национално радио, повикувајќи се на дипломатски извори во Брисел.

Почетокот ќе биде даден на 15 октомври во рамките на меѓувладината конференција ЕУ-Албанија во Луксембург. Потоа ќе се отвори „Кластерот 1: Основни прашања“.

Во пракса тоа значи одвојување на европските патишта на Албанија и Северна Македонија, велат изворите на БНР во Брисел. Неодамна ова сценарио го најави еврокомесарот за проширување Оливер Вархеји, кој рече дека „целта е во октомври да се одржат меѓувладини конференции со Србија, Албанија и можеби Северна Македонија“.

Албанија и Македонија во ист ден ги одржаа првите меѓувладини конференции во јули 2022 година.