Блинкен сè уште со надеж дека предлогот за прекин на огнот во Газа е остварлив
Американскиот државен секретар Антони Блинкен и понатаму се надева дека предлогот за прекин на огнот сè уште е остварлив меѓу Израел и Хамас.
„Тоа би било најдобриот и најбрзиот начин да се стави крај на конфликтот во Газа, да се запре насилството, масовно да се зголеми помошта, да се вратат сите дома, вклучително и американските заложници“, рече Блинкен за време на дискусијата во Институтот Брукингс во Вашингтон.
Трифазниот план за примирје во Газа ќе донесе ослободување на преостанатите заложници во замена за стотици Палестинци затворени од Израел.
Хамас инсистира дека нема да ги ослободи преостанатите заложници освен ако не дојде до траен прекин на огнот и целосно повлекување на израелските сили од Газа.
Во меѓувреме расте меѓународната критика поради кампањата на Израел бидејќи Палестинците се соочуваат со широко распространет глад.
Војната во голема мера го прекина протокот на храна, лекови и основни добра во Газа, која сега е целосно зависна од помошта.
Врховниот суд на Обединетите нации заклучи дека постои „веродостоен ризик од геноцид“ во Газа – обвинение што Израел категорично го негира.
