„Бич филм фестивал“ во Охрид со шпански филмови под ѕвездите
Во екот на туристичката сезона во Охрид и оваа година се одржува седмото издание на „Бич филм фестивал“ (Beach Film Festival) од 17 до 21 јули.
Овогодинешното издание нуди богата програма со филмски проекции и музички перформанси на 4 локации во Охрид, и тоа: Плажа Славија, Плажа Сараиште, Брод Армада и Младински културен центар.
Годинава земјата во фокус е Шпанија со поддршка од шпанската амбасада на РСМ и ќе се прикажат филмови за сите возрасти, вклучувајќи ги и најмалите. Филмовите смело ја опишуваат моменталната состојба на светот, современите проблеми, миграциите, правата на децата, семејствата и врските. Ќе бидат прикажани како претпрограма од 3 – 7 јули 2024 на Плажата Сараиште и проекциите ќе бидат од отворен карактер, бесплатни за сите посетители.
„Бич филм фестивал“ секоја година расте не само квантитативно со бројот на филмови што се прикажуваат, но и квалитативно со изборот на европски филмови.
(Комерцијална објава)