Американскиот претседател Џо Бајден не размислува да се откаже од претседателската трка поради повиците за повлекување по неговите лоши резултати на дебатата минатата недела, објави Белата куќа.

„Апсолутно, апсолутно не“, изјави портпаролката Карин Жан-Пјер на новинарите на прашањето дали Бајден размислува да се повлече.

„И директно слушнавте од кампањата“, додаде таа.

На прашањето дали има дискусија дали Бајден ќе поднесе оставка доколку ја прекине кампањата, Жан Пјер со одговор: „Апсолутно не“.

Бајден се соочува со зголемен притисок да се откаже од трката по слабите резултати за време на дебатата во четвртокот со поранешниот американски претседател Доналд Трамп.

Некои демократи веруваат дека кандидатурата на Бајден ги повредува шансите на партијата на изборите во ноември.