Полскиот голман Војчех Шчесни во вторникот доби понуда од фудбалскиот клуб Барселона и ја прифати, согласувајќи се на преселба кај Каталонците, пишува шпанското издание Релево.

Барселона остана без својот стартен чувар Марк-Андре тер Штеген, кој се здоби со тешка повреда и се соочува со долго закрепнување.

Шчесни (34) минатиот месец објави крај на својата кариера, но се чини дека е подготвен да се врати на терените.

Сепак, раководството на Барса ќе мора да преговара со поранешниот клуб на Полјакот Јувентус за да го комплетира трансферот.

Италијанскиот гигант вклучи клаузула во раскинувањето на договорот на Шчесни дека ќе следува парична казна доколку голманот дојде во друг тим во одреден временски период, па тоа останува да се види.

Каталонците ќе се обидат да ја намалат сумата што треба да ја платат. Тие имаат право да искористат 80% од платата на Тер Штеген за да ангажираат нов играч, што изнесува околу седум милиони евра.

Барса најмалку осум месеци без голманот Тер Штеген