Американскиот претседател Џо Бајден мисли дека рускиот лидер Владимир Путин бил изненаден кога открил дека не успеал да ги подели сојузниците на НАТО во нивната реакција на неговата инвазија на Украина.

Бајден даде говор по состанокот со полскиот претседател Анджеј Дуда во главниот град Варшава, каде што се сретна и со министрите на украинската влада.

„Уверен сум дека Владимир Путин сметаше на тоа да може да го подели НАТО, да може да го одвои источното од западното, да може да ги одвои нациите врз основа на минатите истории“, рече Бајден.

„Но, тој не можеше да го направи тоа – сите останавме заедно“ додава Бајден.

Тој, исто така, вели дека историјата ја покажала важноста на САД да не останат на страна за време на конфликтот во Европа.

„Научивме од тажното искуство во двете светски војни, кога останавме надвор и не бевме вклучени во стабилноста во Европа, тоа секогаш се враќа да не прогонува во САД“ вели Бајден.

„Значи, долго време велев, како сенатор кој дојде овде и член на Комитетот за надворешни односи, како потпретседател и сега како претседател, дека стабилноста во Европа е критично важна за Соединетите држави во однос на нашиот интерес. – не само во Европа, туку и низ целиот свет“, заклучи Бајден.