Американскиот претседател Џо Бајден, на виртуелниот самит на кој присуствуваа околу сто земји, денеска изјави дека на демократијата и се потребни „шампиони”.

„На демократијата во светот и се потребни шампиони за да се спротивстави со големите и загрижувачки предизвици”, порача Бајден од Белата куќа, опкружен со билборди на кои пишува „Самит на демократијата” и лого во сина, портокалова и бела боја.

Тој рече дека дури и САД „мора постојано да се борат за да останат на висината на своите демократски идеали” и додаде дека ниту една поканета земја „не е совршена”.

Бајден ги повика со заеднички сили да се спротивстават на „автократите” кои „ги оправдуваат нивните репресивни политики и практики како најефективно средство за соочување со предизвиците во моментот”.

Со тоа, рече тој, „тие сеат семе на сомнеж во капацитетите на демократските држави, во нивната ефикасност во грижата за своите граѓани”.

Извор: МИА