Општина Гази Баба целосно ќе ја реконструира улицата „Јордан Поп Јорданов“, со што, како што вели градоначалникот Бобан Стефковски, коцката во Маџари заминува во историјата. Освен нов асфалт, на улицата ќе се изведе и атмосферска канализација.

Стефковски утрово ја потпиша одлуката за избор на економски оператор кој ќе ги извршува градежните активности за изградба на атмосферска канализација на улицата „Јордан Поп Јорданов“ како прва фаза од целиот проект.

Веднаш по завршувањето на изградбата на потребната подземна инфраструктура ќе пристапиме кон асфалтирање на улицата со што коцката ќе замине во историјата. Среќен сум што реализацијата на овој проект се случува во мојот мандат како градоначалник на општина Гази Баба, бидејќи жителите од оваа улица го барале тоа години наназад – нагласува Стефковски на Фејсбук.