Аргентинскиот претседател Хавиер Милеј предложи закон кој, доколку биде усвоен, ќе ги казни сите учесници на протестите до шест години затвор.

Милеј предложи секое „намерно и привремено собирање на три или повеќе лица“ да претставува демонстрација, за која на актерите им се заканува затворска казна од шест години доколку го попречат слободното движење и јавните служби.

Веста дојде откако илјадници луѓе излегоа на улиците на Буенос Аирес на првиот голем протест против политиката на економски шок на новата аргентинска влада, откако претседателот најави мерки кои вклучуваат намалување на трошоците и драстична девалвација на валутата.

Во текстот испратен до Конгресот се предупредува дека властите мора однапред да бидат известени за какви било јавни демонстрации и дека Министерството за безбедност има време да се спротивстави на протестот или да предложи промени. Дополнително, социјалните организатори ќе треба да се изјаснат кој е одговорен за повиците на протестот за да може да се идентификува во случај на кривични санкции.

Ултрадесничарски политичар во средата пред Конгресот претстави нацрт-закон за прогласување на земјата во „вонредна состојба“ со 664 членови кои суштински ги менуваат добро познатите политички, социјални и економски структури на земјата.

Заради обемот и разновидноста на темите, законот се нарекува Омнибус и ќе се разгледува на посебни седници на Конгресот. Се однесува на областите на економијата, финансиите, социјалното осигурување, фискалните, здравствените, па дури и изборните прашања. Тоа вклучува и заострување на санкциите за учесници на протести.

Предлог-законот доаѓа по другите дејствија на владата на Милеј кои предизвикаа социјално незадоволство во првите три недели од неговото претседателствување.