Антоан Гризман на 33 години се повлече од репрезентацијата на Франција
Прославениот француски фудбалер, Антоан Гризман одлучи да се повлече од националниот тим на Франција.
Гризман иако има 33 години одлучи повеќе да не настапува за Франција и да го отстапи местото на помладите.
„Благодарен сум за сите мемории во ова неверојатно поглавје од мојот живот, а сега е време за збогум“, објави Гризман на социјалните мрежи.
Дебито за националниот тим Гризман го имаше во 2014 година, додека најголемиот успех го оствари во 2018 година кога се израдува на титулата на Мундијалот во Русија. Во кариерата вкупно одигра 137 натпревари во францускиот дрес и во нив постигна 44 гола и запиша 38 асистенции.
C’est avec le cœur plein de souvenirs que je clos ce chapitre de ma vie. Merci pour cette magnifique aventure tricolore et à bientôt. 🇫🇷 pic.twitter.com/qpw8dvdtFt
— Antoine Griezmann (@AntoGriezmann) September 30, 2024