Рускиот тенисер Андреј Рубљов не успеа да се пласира во второто коло на „Вимблдон“, откако денеска на стартот беше поразен од Аргентинецот Франсиско Комесана со 6:4, 5:7, 6:2, 7:6 (7:5).

Мечот траеше два часа и 57 минути. Рубљов е шестиот тенисер во светот, додека Комесана е 122 на АТП листата.

Комесана во второто коло ќе игра против Австралиецот Адам Волтон, кој беше подобар од Аргентинецот Федерико Корија со 6:3, 6:3, 7:5.

Во второто коло на „Вимблдон“ се пласираа и Новак Ѓоковиќ, Алекс де Минор, Тиаго Сејбот Вајлд, Јошишито Нишиока, Лучијано Дардери, Томас Мартин Ечевери, Хуберт Хуркач, Лоренцо Музети, Алексеј Попирин, Бен Шелтон и Александар Зверев.

Вондроушова лани ја освои титулата на „Вимлбдон“, а сега е елиминирана во првото коло

Грчкиот тенисер Стефанос Циципас обезбеди второ коло на Вимблдон. Моментно 11 играч во светот по нешто помалку од два и пол часа игра го совлада Јапонецот Таро Даниел со 7:6 (5), 6:4, 7:5.

Негов ривал во следната рунда ќе биде подобриот од дуелот Мекензи Мекдоналд – Емил Русувори.