Американскиот водител Такер Карлсон најави интервју со Зеленски
Американскиот конзервативен новинар Такер Карлсон најави дека наскоро би можел да го интервјуира украинскиот претседател Володимир Зеленски.
„Се чини дека добивме интервју со Зеленски. Се обидуваме две години, особено интензивно по интервјуто со Путин во февруари. Поентата е да им ги донесеме на Американците многу потребните информации за конфликтот што целосно ја менува позицијата на нивните земја во светот Се надеваме дека интервјуто ќе пристигне наскоро“, напиша Карлсон на социјалната платформа Икс.
Карлсон го интервјуираше рускиот лидер Владимир Путин на 6 февруари, а интервјуто беше објавено неколку дена подоцна. Тоа беше прво интервју на Путин за западни медиуми откако Русија ја започна својата инвазија на Украина во февруари 2022 година.
Looks like we’ve got the Zelenskyy interview. We’ve been trying for two years, and with particular intensity after interviewing Putin in February. The point is to bring Americans much-needed information about the conflict that’s completely reshaping their country’s position in…
— Tucker Carlson (@TuckerCarlson) July 3, 2024
Интервјуто на Путин со Карлсон траеше два часа, а започна со получасовно предавање на Путин за историјата на Русија и Украина. Путин нашироко зборуваше за потеклото на руската државност во деветтиот век, Украина како вештачка држава и соработката на Полска со Хитлер.
Карлсон со години беше еден од главните водители на Фокс њуз, каде што беше домаќин на едно од најгледаните телевизиски емисии. Но, во април минатата година соработката беше прекината.
Веста за заминувањето на Карлсон дојде неколку дена откако Фокс њуз плати речиси 800 милиони долари за да стави крај на тужбата за клевета поради наводите на радиодифузерот дека фирмата за броење гласови Доминион Воутинг Системс помогнала да се украдат гласовите за Доналд Трамп на претседателските избори во 2020 година.
Внатрешните комуникации објавени пред судењето сугерираат дека Карлсон и неговите колеги се сомневале во тврдењата на сојузниците на Трамп и самата мрежа, но сепак ги објавиле поради страв да не ги загубат гледачите од ривалите.
