САД се во процес на извлекување на своите граѓани од Либан, додека Израел продолжува со нападите во регионот.

Американската амбасада во Бејрут информира дека соработува со авиокомпании за организирање на дополнителни летови.

Американските граѓани се повикани да избегнуваат патување во Либан или веднаш да го напуштат ако се таму.

„Поради зголемената нестабилност по воздушните напади во Бејрут и непредвидливата безбедносна ситуација во целата земја, Амбасадата на САД ги советува американските граѓани да се повлечат додека сè уште се достапни комерцијални опции“, порачаа од Амбасадата.

Комерцијалните летови се достапни, но нивниот капацитет е ограничен.

Ако безбедносната ситуација се влоши, опциите за заминување со комерцијален лет може да станат недостапни“, се наведува во официјалниот совет.