Шпанецот Карлос Алкараз се намачи за пласман во осминафиналето и во дури пет сета го елиминираше Френсис Тиафо (5-7, 6-2, 4-6, 7-6, 6-2).

Тиафо одигра одличен меч и вршеше притисок врз фаворитот кој долго време не беше на препознатливото ниво. Алкараз прв дојде до брејк и поведе со 4:2, но ниту тоа не влијаеше на Американецот кој направи серија од 5:1 и поведе со 1:0 во сетови.

Алкараз беше подобар во вториот сет кога му дозволи само два гема, меѓутоа во третиот одново Тиафо беше подобар за ново водство во сетови со 2:1.

Во четвртиот сет не видовме ниту еден брејк, па следуваше тајбрејк. Во него на Тиафо не му одеше, па Алкараз брзо дојде до 5:0 и го освои сетот за 2:2. Шпанскиот ас во одлучувачкиот петти сет Алкараз не дозволи изненадување и со 6:2 дојде до победа за пласман во осминафиналето.

Противник на Алкараз во полуфиналето ќе му биде подобриот од мечот помеѓу Игор Амбер и Брандо Накашима.