Алкараз мотивиран: Не ме интересираат противниците, дојдов да го освојам Вимблдон
![](https://www.slobodenpecat.mk/wp-content/uploads/2024/06/12331000.jpg)
Шпанецот Карлос Алкараз со големи амбиции го очекувап очетокот на Вимблдон кој е на програмата од 1. до 14. Јули.
Алкараз минатата година го освои овој турнир со победата против Новак Ѓоковиќ во финалето. Пред почетокот шпанскиот ас порача дека не го интересираат ривалите и негова цел е да го освои турнирот.
„Тука сум да го повторам резултатот од минатата година. Чувството кога ќе се вратите како бранител на титулата е посебно, но не сакам да размислувам премногу за тоа. Морам да сум фокусиран на секој тренинг, не размислувам за ривалите, посебно за повредите на некои од нив. Секогаш ќе одам на победа“, изјави Алкараз.
Проблем со повреда пред почетокот на турнирот имаше Ѓоковиќ, но сега е потврдено дека српскиот тенисер ќе настапи на еден од најголемите турнири
Алкараз турнирот ќе го започне против Марк Лајал кој се наоѓа на 262. позиција на АТП листата.