Акција на „Водовод и канализација“: Долговите за вода можат да се плаќаат на рати и без камата
![](https://www.slobodenpecat.mk/wp-content/uploads/2021/08/Водовод-сметки.jpg)
Скопјани кои имаат неплатени сметки за вода за повеќе месеци ќе можат своите долгови кон ЈП „Водовод и канализација“ да ги отплатат на рати без притоа да плаќаат и камата за задоцнето плаќање.
Од претпријатието информираат дека ваквата акција е во тек и ќе трае најдоцна до 31 јули и ги повикува граѓаните да ја искористат можноста.
Ги повикуваме сите корисници кои имаат заостанат долг во овој период да аплицираат за склучување на договори за отплата на долговите на најмногу 48 рати за физички лица и 24 рати за правни лица, во зависност од висината на долгот, без пресметка на камата за задоцнето плаќање – велат од „Водовод и канализација“.
Оттаму додаваат дека одлуката за спроведување на акцијата за отплата на заостанатите долгови без пресметка на камата не важи за органите на државната и локалната власт и другите државни органи основани согласно Уставот и со закон и институциите кои вршат дејности од јавен интерес.