Адвокатот на актерот од „Луд, збунет, нормален“: „Делото е грдо, но човекот ја искористи можноста што му следуваше по закон“
Русмир Каркин, адвокатот кој го застапуваше босанскиот актер Моамер Касумовиќ, осуден за сексуален напад на малолетник, изјави дека постапката била „нормална“ и дека Обвинителството, но и одбраната поднеле жалба по првостепената пресуда.
„Ова беше предмет како и сите други вакви предмети, само што се работи за позната личност. Казната е во согласност со законот. Човекот ја искористи можноста, која законот ја дозволува, да ја откупи казната. Ја откупи казната и толку“, вели Каркин за „Аваз“.
Адвокатот дека претходно не се разговарало за постапката бидејќи станувало збор за малолетно лице.
„Јавноста сега е заинтересирана бидејќи тој е позната личност. Но, немаше ништо необично или посебно. Имаше редовна постапка. Обвинителството го покрена обвинителниот акт, ги сослуша своите сведоци, ги сослуша сведоците на одбраната и ја донесе пресудата – осуден на една година затвор“, вели Каркин.
Тој вели дека „делото е грдо“, особено кога ќе се прочита нешто вакво за позната личност.
„За да не ме разберете погрешно. Не го минимизирам овој случај, но делото за кое е осуден е за два допири. А за тие два допири доби една година затвор“, вели Каркин.
Тој тврди дека судот ја изрекол казната и дека овде никој не бил измамен, ниту пак било нешто „дадено или ветено“.
„Редовно доаѓаше во постапката, се појавуваше. Се пожаливме и ние, а и Обвинителството. Сега не се сеќавам дали се пожаливме за висината на казната. Знам дека не бевме задоволни од пресудата“, изјави Каркин.